Freelancers Union

اتشرفت جدا بحضراتكم امبارح واليوم الاكثر من رائع والمعلومات المفيدة اللى اتشرحت امبارح والافكار العظيمة والمداخلات الجميلة من المشاركين فى اليوم وكم المعلومات والاستفادة اللى الواحد طلع بيها الصراحة كانت اكثر من المتوقع جدا جدا عجبنى جدا تنوع الفئات العمرية ومدى الادراك والوعي اللى حضراتكم كنتم جايين بيه الايفينت وادانى دروس كتير مهمة ومبسوط بجرأة القرارات اللى حضراتكم واخدينها فى حتة الـ shift career ودا شئ عظيم ومهم وخاصة انى بعمل دا برده وكنت شايف انى بهلك وقت كتير ولكن وجودي وسطكم امبارح ازاح عنى الشعور دا وكمان لما شوفت تجاربكم وسمعتها واتعلمت منها فعلا كنت مبسوط بيها وكنت اتمنى ان الواحد يقعد مع كل واحد ويتعلم منه ومن خبرته حابب برده اضيف انى مبسوط من المحاضرين ومدى تجاوز أسامة عن حاجات أحمد كان هيشرحها وحسيت ان الموضوع مرن وادولنا نموذج ومثال محترم وكمان كلام احمد الجميل لما بدأ السيشن بتاعته عن أسامة وشغله بسطنى جدا واليوم كله الصراحة كان أكثر من رائع شكرا جدا لولاء ولاتحاد الفريلانسرز على الفرصة العظيمة اللى بيقدومها كل مرة واسقاطهم كل مرة لابعاد جديدة فى عالم الفريلانسرز كلنا محتاجين نعرفها ونبقى ملمين بيها شكرا لكل واحد جه من مكان بعيد وحضر وادالنا من وقته وخبرته

ألف شكر يا ولاء بجد يوم كله تميز وتفاعل وفعلا انتم فريق يستاهل يكون أحسن شركة

بجد استفدنا جداا والله وكنت متحمسة نكمل ونسينا الوقت مع حضرتك من كتر ما احنا مستمتعين ..وعايزة اشكركم على المعلومات القيمة وعايزة اشكر الاتحاد انه اتاح ليا الفرصة اتواجد معاكم واشوف الناس الجميلة دي وكل الحضور .. بجد كان يوم حلو جداااا .. اتمنى لكم كل التوفيق والنجاح جميعاً يارب

بجد كان يوم مثمر جدًا😍 شكرًا ليكم على كمية المعلومات والطاقة والحماس اللي الواحد طلع بيهم ♥

كل يوم بيزيد تعلقى بال meetup وكأنى بلاقى نفسى وافكارى شكرا على المبادرة الجميلة والجهد المشكور اللى من القلب وشكرا بدايه موفقة ومن الاشخاص الاكثر تأثيرا ايجابيا (ويبقى الأثر) واللى ليها فضل عليا فى تغيير حياتى للافضل ربنا يسعدك (خيركم من تعلم العلم وعلمه) واخيرا سعدت بتواجدى فى هذا ال comunity الرائع موفقين ان شاء الله

واول مرة احضر event بيتكلم عن freelancer كان event رائع بجد مع د. احمد & م. عبد الرحمن وبالنسبالي اتمنى اخد الفرصة دي تاني 🙏

الايفنت كان جميل والسبيكرز د.عبدالرحمن و د.احمد قدروا يوصلوا المعلومات بطريقه سهله وتفضل معلمه معانا على طول وحضرتك برده كنتي جميله الروح والحضور بصراحه تسلموا على تعبكم والمعلومات الي استفدناها